మంచిర్యాల (అక్షరవేకువ) ఆగస్టు 08
మంచిర్యాల జిల్లాలోని కడెం ప్రాజెక్టు ఆయకట్టు పరిధిలోని రైతులకు సాగునీటిని రేపటి నుంచి విడుదల చేయాలని నిర్ణయించారు. మంచిర్యాల సమీకృత కలెక్టర్ కార్యాలయంలో జిల్లా కలెక్టర్ కుమార్ దీపక్ అధ్యక్షతన జరిగిన సమీక్ష సమావేశంలో ఈ మేరకు నిర్ణయం తీసుకున్నారు. ఈ సమావేశానికి మంచిర్యాల శాసనసభ్యులు కొక్కిరాల ప్రేమ్ సాగర్ రావు హాజరై అధికారుల నుంచి వివరాలు తెలుసుకున్నారు.
మంచిర్యాల జిల్లాలోని కడెం ప్రాజెక్టు ఆయకట్టు పరిధిలోని రైతులకు సాగునీటిని రేపటి నుంచి విడుదల చేయాలని నిర్ణయించారు. మంచిర్యాల సమీకృత కలెక్టర్ కార్యాలయంలో జిల్లా కలెక్టర్ కుమార్ దీపక్ అధ్యక్షతన జరిగిన సమీక్ష సమావేశంలో ఈ మేరకు నిర్ణయం తీసుకున్నారు. ఈ సమావేశానికి మంచిర్యాల శాసనసభ్యులు కొక్కిరాల ప్రేమ్ సాగర్ రావు హాజరై అధికారుల నుంచి వివరాలు తెలుసుకున్నారు.
ముఖ్యమంత్రితో చర్చలు
ఈ సందర్భంగా ఎమ్మెల్యే ప్రేమ్ సాగర్ రావు మాట్లాడుతూ, కడెం ప్రాజెక్టు ఆయకట్టులో పంటల సాగుకు నీటిని విడుదల చేయడంపై రాష్ట్ర ముఖ్యమంత్రి రేవంత్ రెడ్డి, నీటిపారుదల శాఖ మంత్రి ఉత్తమ్ కుమార్ రెడ్డిలతో చర్చించినట్లు తెలిపారు. వారి ఆదేశాల మేరకు, రైతుల విజ్ఞప్తిని పరిగణనలోకి తీసుకుని, రేపటి నుంచి కడెం ప్రాజెక్టు నుంచి సాగునీటిని విడుదల చేస్తున్నామని ఆయన వెల్లడించారు.
రైతులకు సూచనలు
దండేపల్లి, లక్షెట్టిపేట, హాజీపూర్ మండలాల పరిధిలోని రైతులు వెంటనే పంటల సాగును చేపట్టాలని ఎమ్మెల్యే సూచించారు. రైతులు పండించే ప్రతి ఎకరాకు సాగునీటిని అందించేలా అధికారులు చర్యలు తీసుకోవాలని ఆదేశించారు. నీటి వినియోగంపై, ప్రత్యామ్నాయ పంటల సాగుపై రైతులు దృష్టి సారించాలని కోరారు. రైతులకు ఎలాంటి ఇబ్బందులు తలెత్తకుండా సాగునీటిని అందించేందుకు అవసరమైన అన్ని చర్యలను సమన్వయంతో చేపట్టాలని అధికారులకు సూచించారు.
సమావేశంలో పాల్గొన్నవారు
ఈ సమీక్షా సమావేశంలో జిల్లా స్థాయి సంబంధిత అధికారులు, మంచిర్యాల మార్కెట్ కమిటీ చైర్మన్ రామగిరి బానేష్, లక్షెట్టిపేట్ మార్కెట్ కమిటీ చైర్మన్ అక్కల వెంకటేశ్వర్లు, ఇతర ప్రజాప్రతినిధులు, రైతులు, తదితరులు పాల్గొన్నారు.
