సంగారెడ్డి రెడ్ క్రాస్ సొసైటీ ఎన్నికల నోటిఫికేషన్ విడుదల

ఇండియన్ రెడ్ క్రాస్ సొసైటీ సంగారెడ్డి జిల్లా శాఖ నిర్వహణ కమిటీ ఎన్నికలను నిర్వహించనున్నట్లు ఎన్నికల అధికారి, జిల్లా వ్యవసాయ శాఖ సంయుక్త సంచాలకులు (జేడీ) శివప్రసాద్ సోమవారం ఒక ప్రకటనలో తెలిపారు. సంగారెడ్డి జిల్లా శాఖకు చెందిన ఇండియన్ రెడ్ క్రాస్ సొసైటీ సభ్యుల జాబితాను ఇప్పటికే ప్రచురించినట్లు, సభ్యులందరికీ ఎన్నికల కార్యక్రమానికి సంబంధించిన సమాచారాన్ని తెలియజేసినట్లు ఆయన తెలిపారు. నిర్వహణ కమిటీ సభ్యుల పదవులకు నామినేషన్ల స్వీకరణ సెప్టెంబరు 24న ఉదయం 10గంటల నుంచి మధ్యాహ్నం 1గంటల వరకు కలెక్టరేట్లోని ఎన్నికల అధికారి కార్యాలయంలో జరుగుతుందని తెలిపారు. ఆ ఉదయం 10గంటల నుంచి నామినేషన్ల పరిశీలన నిర్వహించి, చెల్లుబాటు అయ్యే నామినేషన్ల జాబితాను ప్రచురిస్తామని పేర్కొన్నారు. ఆ ఉదయం 10గంటల నుంచి మధ్యాహ్నం 1గంటల వరకు నామినేషన్ల ఉపసంహరణకు అవకాశం ఉంటుందని, అనంతరం తుది నామినేషన్ల జాబితాను ప్రచురించి, అభ్యర్థులకు ఎన్నికల గుర్తులను కేటాయిస్తామని తెలిపారు.

అవసరమైతే ఎన్నికలు నిర్వహిస్తామని ఎన్నికల అధికారి తెలిపారు. ఆరోజు ఉదయం 8గంటల నుంచి మధ్యాహ్నం 3గంటల వరకు పోలింగ్ జరుగుతుందని, సాయంత్రం 4గంటల నుంచి ఓట్ల లెక్కింపు చేపడతామని పేర్కొన్నారు. ఓట్ల లెక్కింపు పూర్తయిన అనంతరం ఫలితాలను ప్రకటిస్తామని, ఫలితాల ప్రకటన అనంతరం ఆఫీస్ బేరర్ల ఎన్నిక నిర్వహిస్తామని వెల్లడించారు. రూ.10,000/- తిరిగి చెల్లించబడని రుసుము (నాన్-రిఫండబుల్)గా చెల్లించాల్సి ఉంటుందని తెలిపారు. నామినేషన్ ఫారాలను ఎన్నికల అధికారిని వ్యక్తిగతంగా సంప్రదించడం ద్వారా లేదా ఎన్నికల అధికారికి రాత పూర్వకంగా అభ్యర్థన సమర్పించి, అధీకృత వ్యక్తి ద్వారా ఆ ఉదయం 10గంటల నుంచి మధ్యాహ్నం 1గంటల వరకు పొందవచ్చని తెలిపారు. మరిన్ని వివరాల కోసం ఎన్నికల అధికారి ఫోన్ నంబర్ 9949992039ను సంప్రదించాలని సూచించారు.