నాగపూర్ గ్రామ కార్యదర్శి గోపీకృష్ణకు ఘన వీడ్కోలు

సారంగాపూర్ మండలంలోని నాగపూర్ గ్రామ కార్యదర్శి గోపీకృష్ణ, బదిలీపై వెళ్తుండటంతో గ్రామ ప్రజలు, ప్రజాప్రతినిధులు ఆయనకు ఘనంగా వీడ్కోలు పలికారు. గ్రామ అభివృద్ధికి ఆయన చేసిన సేవలను ప్రశంసిస్తూ, శాలువతో సత్కరించారు.

గ్రామ సర్పంచ్ లలితాబాయి మాట్లాడుతూ, గోపీకృష్ణ గ్రామాభివృద్ధి కార్యక్రమాల అమలులో సమర్థవంతంగా పనిచేశారని పేర్కొన్నారు. ఆయన సేవలు గ్రామానికి ఎంతో మేలు చేశాయని తెలిపారు.

ఈ సందర్భంగా, లలితాబాయి గోపీకృష్ణ భవిష్యత్తులో మరిన్ని ఉన్నత శిఖరాలను అధిరోహించాలని ఆకాంక్షించారు.

ఈ కార్యక్రమంలో ఉపసర్పంచ్ లాలారామ్, వార్డు సభ్యుడు అరవింద్, డాక్టర్ శివరామ్, సునీల్ టీచర్ మరియు నూతన గ్రామ కార్యదర్శి మహేష్ తదితరులు పాల్గొన్నారు.