మంచిర్యాల (అక్షరవేకువ) ఆగస్టు 07
మంచిర్యాల పట్టణంలో కార్పొరేషన్ అనుమతి లేకుండానే పిఆర్టియు టిఎస్ ( ) భవన నిర్మాణం జరుగుతోందని పలువురు ఫిర్యాదు చేశారు. దీనిపై సమాచార హక్కు చట్టం కింద వివరణ కోరగా, మునిసిపల్ అధికారులు కీలక వివరాలు వెల్లడించారు.
మంచిర్యాల పట్టణంలోని 47వ డివిజన్లో కార్పొరేషన్ అనుమతి లేకుండా పిఆర్టియు టిఎస్ ( ) భవన నిర్మాణం చేపడుతున్నట్లు పలువురు కార్పొరేషన్ అధికారులకు ఫిర్యాదు చేశారు. సమాచార హక్కు చట్టం కింద ఈ విషయంపై వివరణ కోరగా, అధికారులు స్పందించారు.
అధికారుల స్పందన
మంచిర్యాల పట్టణంలోని బైపాస్ రోడ్ వద్ద స్లాటర్ హౌజ్ ఎదురుగా పిఆర్డియు టిఎస్ నూతనంగా నిర్మిస్తున్న భవన నిర్మాణానికి ఎలాంటి అనుమతులు ఈ కార్యాలయం నుండి ఇవ్వబడలేదని మంచిర్యాల మునిసిపల్ కార్పొరేషన్ టౌన్ ప్లానింగ్ అధికారి తెలిపారు. అలాగే, పిఆర్డియు టిఎస్ కార్యాలయ భవన నిర్మాణానికి కూడా అనుమతులు లేవని ఆయన స్పష్టం చేశారు.
