అక్షరవేకువ: అజిత్ కొత్త సినిమా డేర్డెవిల్ ప్రారంభం

సినిమా ప్రారంభోత్సవ కార్యక్రమానికి అజిత్ కుమార్ హాజరు కాలేదు. ప్రస్తుతం ఆయన దుబాయ్లో ఉండటంతో పూజా కార్యక్రమానికి దూరంగా ఉన్నారు. నిర్మాతగా వ్యవహరిస్తున్న షాలిని కార్యక్రమంలో పాల్గొని, తొలి క్లాప్ ఇచ్చారు. దర్శకుడు అధిక్ రవిచంద్రన్తో పాటు పలువురు చిత్రబృంద సభ్యులు హాజరయ్యారు.

కీలక పాత్రల్లో శ్రీలీల, ఉన్ని ముకుందన్

ఈ సినిమాలో మలయాళ నటుడు ఉన్ని ముకుందన్, తెలుగు నటి శ్రీలీల కీలక పాత్రల్లో నటిస్తున్నారు. వీరితో పాటు ప్రభు, పార్తిబన్, సునీల్, రెడిన్ కింగ్స్లీ తదితరులు నటిస్తున్నట్లు సమాచారం. ఉన్ని ముకుందన్ పాత్రపై ప్రేక్షకుల్లో ఆసక్తి నెలకొంది.

సంగీతం అనిరుధ్దే

ఈ చిత్రానికి అనిరుధ్ రవిచందర్ సంగీతం అందిస్తున్నారు. సినిమాటోగ్రఫీ బాధ్యతలను అభినందన్ రామానుజం నిర్వహిస్తున్నారు. అజిత్, అధిక్ రవిచంద్రన్ కలయికలో గతంలో వచ్చిన గుడ్ బ్యాడ్ అగ్లీ మంచి ఆదరణ పొందింది. మరోసారి వీరిద్దరూ కలిసి పనిచేస్తుండటంతో ఈ సినిమాపై అభిమానుల్లో భారీ అంచనాలున్నాయి.

నవంబర్ 12 నుంచి అజిత్ షూటింగ్

తాజా సమాచారం ప్రకారం అజిత్ నుంచి చిత్రీకరణలో పాల్గొనే అవకాశం ఉంది. హైదరాబాద్లో తొలి షెడ్యూల్ ప్రారంభించి, ఆ తర్వాత బ్యాంకాక్, మలేషియాలో కొన్ని సన్నివేశాలను చిత్రీకరించనున్నట్లు సినీ వర్గాల సమాచారం. అయితే, చిత్ర విడుదల తేదీని చిత్రబృందం ఇంకా ప్రకటించలేదు.