సంగారెడ్డి, 4 October
సంగారెడ్డిలో కోమల్ జనని హాస్పిటల్ తన మొదటి వార్షికోత్సవాన్ని ఘనంగా జరుపుకుంది. ఈ సందర్భంగా, హాస్పిటల్ యాజమాన్యం సామాజిక బాధ్యత కింద 30 వీల్చైర్లు, 100 హెల్మెట్లను పంపిణీ చేసింది. పీసీసీ వర్కింగ్ ప్రెసిడెంట్ జగ్గారెడ్డి ఈ కార్యక్రమానికి ముఖ్య అతిథిగా హాజరయ్యారు.
సంగారెడ్డిలోని కోమల్ జనని హాస్పిటల్ మొదటి వార్షికోత్సవ వేడుకలు శనివారం ఘనంగా నిర్వహించారు. ఈ సందర్భంగా 30 వీల్చైర్లు, 100 హెల్మెట్లను పంపిణీ చేశారు. హాస్పిటల్ యాజమాన్యం డాక్టర్ కోమల్ జిత్ రాకేష్ ఆధ్వర్యంలో సామాజిక బాధ్యతలో భాగంగా వికలాంగులకు వీల్చైర్లు, యువతకు హెల్మెట్లను పంపిణీ చేశారు. ఈ కార్యక్రమానికి ముఖ్య అతిథిగా పీసీసీ వర్కింగ్ ప్రెసిడెంట్ జగ్గారెడ్డి హాజరయ్యారు. ప్రజలకు వైద్య సేవలు అందించడంతో పాటు సామాజిక సేవా కార్యక్రమాలను చేపడుతున్న కోమల్ జనని హాస్పిటల్ యాజమాన్యాన్ని, వైద్యులను, సిబ్బందిని జగ్గారెడ్డి అభినందించారు. హాస్పిటల్ ప్రారంభమైన ఏడాది కాలంలో అందించిన వైద్య సేవలను గుర్తుచేసుకున్నారు. ఈ కార్యక్రమంలో పీసీసీ ప్రధాన కార్యదర్శి తోపాజీ అనంత కిషన్, మున్సిపల్ చైర్పర్సన్ కూన వనిత సంతోష్, మాజీ మున్సిపల్ చైర్పర్సన్ బొంగుల విజయలక్ష్మి రవి, డ్రీమ్ సర్వీస్ అధినేత ఆర్. మధుగౌడ్, హాస్పిటల్ యాజమాన్యం, వైద్యులు, సిబ్బంది, ప్రజాప్రతినిధులు, యువత, స్థానికులు పాల్గొన్నారు.