మంచిర్యాలలో అఖిల భారతీయ అయ్యప్ప ధర్మ ప్రచార సభ నూతన కమిటీ ఎన్నిక

మంచిర్యాల జిల్లా అఖిల భారతీయ అయ్యప్ప ధర్మ ప్రచార సభ జనరల్ బాడీ సమావేశం కార్తికేయన్ హాస్పిటల్ కాన్ఫరెన్స్ హాల్లో జరిగింది. గౌరవ అధ్యక్షులు డాక్టర్ చుంచు రాజ్ కిరణ్ అధ్యక్షత వహించిన ఈ సమావేశానికి ఎన్నికల పరిశీలకులుగా ఇస్లావత్ నగేష్, ఎన్నికల అధికారిగా జనగామ తిరుపతి హాజరయ్యారు.

ముఖ్య అతిథులుగా అయ్యప్ప అన్నదాన సేవా ట్రస్ట్ సభ్యులు భేతి తిరుమలరావు, ఏబీఏపీ రాష్ట్ర ఉపాధ్యక్షులు మట్టపల్లి సంపత్రావు, రాష్ట్ర కోశాధికారి రమేష్ గారు పాల్గొన్నారు. సమావేశంలో జిల్లా సేవా కార్యక్రమాల నివేదికను సమర్పించారు.

ఎన్నికల పరిశీలకులు, అధికారి పర్యవేక్షణలో పాత కమిటీ రద్దు చేయబడి, నూతన జిల్లా కార్యవర్గాన్ని ఏకగ్రీవంగా నియమించారు. ఈ ఎన్నిక ప్రక్రియలో పలువురు ప్రముఖులు పాల్గొన్నారు.

నూతన కమిటీలో జిల్లా గౌరవ అధ్యక్షులు, అధ్యక్షులు, ఉపాధ్యక్షులు, ప్రధాన కార్యదర్శి, కోశాధికారి, పిఆర్ఓ, సంయుక్త కార్యదర్శి, వాలంటరీ కమాండెంట్ తో పాటు పలువురు కార్యవర్గ సభ్యులు ఎన్నికయ్యారు. 'ఓం శ్రీ స్వామియే శరణమయ్యప్ప' నినాదంతో సమావేశం ముగిసింది.