ఢిల్లీలోని ఘాజీపూర్ లో కంప్యూటర్ షాపు ముసుగులో నడుస్తున్న అక్రమ ఔషధ తయారీ కేంద్రాన్ని అధికారులు గుర్తించారు.
కంప్యూటర్ షాపుగా కనిపించిన ప్రాంగణంలోకి వెళ్లి తనిఖీ చేయగా, ఔషధాల తయారీకి ఉపయోగించే యంత్రాలు, రియాక్షన్ పరికరాలు, వాటర్ చిల్లర్, వాక్యూమ్ ఎగ్జాస్ట్ మెషీన్ వంటి సామగ్రి లభించాయి. ఈ దాడిలో 148 కిలోల ఆల్ప్రజోలం మధ్యంతర పదార్థం, సుమారు 1,046 కిలోల ముడి పదార్థాలు, రసాయనాలు, మరో 188 లీటర్ల రసాయన ద్రవాలను అధికారులు స్వాధీనం చేసుకున్నారు.
ఒకరి అరెస్టు
ల్యాబ్ నిర్వహిస్తున్న ఒక వ్యక్తిని చట్టం కింద అరెస్టు చేశారు. ఆల్ప్రజోలం సాధారణంగా ఆందోళన, పానిక్ సమస్యల చికిత్సలో వైద్యులు సూచించే ఔషధం. అయితే అనుమతి లేకుండా తయారు చేయడం, విక్రయించడం చట్టవిరుద్ధం.
ఈ అక్రమ తయారీ కేంద్రం వెనుక ఉన్న సరఫరా నెట్వర్క్, ఇతర వ్యక్తుల పాత్రపై అధికారులు దర్యాప్తు చేస్తున్నారు. ఈ ఘటనపై మరిన్ని వివరాలు తెలియాల్సి ఉంది.


