నవంబర్ నెలాఖరులోగా కన్నెపల్లి పంపు హౌస్ వద్ద కాఫర్ డ్యాం నిర్మించకపోతే ఆందోళన చేపడతామని తెలంగాణ రక్షణ సేన అధ్యక్షురాలు కల్వకుంట్ల కవిత హెచ్చరించారు. ఈ ప్రాజెక్టుతో నీటి వృధాను అరికట్టవచ్చని ఆమె తెలిపారు.
నవంబర్ నెలాఖరులోగా కాఫర్ డ్యాం నిర్మించకపోతే కన్నెపల్లి పంపు హౌస్ వద్ద ఆందోళన చేస్తామని తెలంగాణ రక్షణ సేన అధ్యక్షురాలు కల్వకుంట్ల కవిత అన్నారు.
కన్నెపల్లి పంప్ హౌస్ వద్ద 93 మీటర్ల ఎత్తులో కాఫర్ డ్యాం నిర్మిస్తే సమస్య పరిష్కారమవుతుందని, మేడిగడ్డతో సంబంధం లేకుండా ఇక్కడి నుంచే అన్నారం, సుందిళ్లకు నీటిని ఎత్తిపోయవచ్చని తెలిపారు. ఈ నీటి ద్వారా ప్రతి ప్రాజెక్టును రీఛార్జ్ చేసుకోవచ్చని, రూ. 25 కోట్లు ఖర్చు చేస్తే నెలన్నర రోజుల్లో ఈ పనులు పూర్తి చేయవచ్చని ఆమె వివరించారు.
ఎల్ నినో పరిస్థితుల కారణంగా వచ్చే ఏడాది కూడా వర్షాలు పడతాయో లేదోనని చెబుతున్నారని, కానీ ప్రస్తుతం రోజుకు 2 టీఎంసీల నీరు వృధాగా పోతున్నా సద్వినియోగం చేసుకోవటం లేదని ఆమె పేర్కొన్నారు.
