ఛత్తీస్గఢ్ హాకీ లీగ్ తొలి సీజన్ విజేతగా మైన్పట్ టైటాన్స్.. ఫైనల్లో సంస్కార్ధాని స్ట్రైకర్స్పై 4-2తో గెలుపు

మ్యాచ్ ప్రారంభం నుంచే హోరాహోరీగా సాగింది. తొలి క్వార్టర్ చివరి నిమిషాల్లో మైన్పట్ టైటాన్స్ ఆటగాడు అభిషేక్ యాదవ్ రివర్స్ ఫ్లిక్ ద్వారా తొలి గోల్ సాధించి జట్టుకు ఆధిక్యాన్ని అందించాడు.

రెండో క్వార్టర్లో సంస్కార్ధాని తరఫున ప్రజ్ఞాలద్ రాజ్భర్ గోల్ చేసి స్కోరును 1-1తో సమం చేశాడు. మూడో క్వార్టర్లో మైన్పట్ ఆటగాడు సందీప్ కుమార్ పెనాల్టీ కార్నర్ను గోల్గా మలచడంతో జట్టు 2-1 ఆధిక్యంలోకి వెళ్లింది. అయితే, సారిఖ్ అహ్మద్ గోల్ చేయడంతో స్కోరు మళ్లీ 2-2కు చేరింది.

చివరి క్వార్టర్లో మైన్పట్ టైటాన్స్ ఆటగాడు మోహిత్ నాయక్ అద్భుతమైన టోమాహాక్ షాట్తో గోల్ సాధించి జట్టుకు ఆధిక్యాన్ని అందించాడు. మ్యాచ్ చివరి క్షణాల్లో మరో గోల్ చేసి స్కోరును 4-2కు చేర్చడంతో మైన్పట్ టైటాన్స్ తొలి ఛాంపియన్గా అవతరించింది.

ఈ మ్యాచ్లో మోహిత్ నాయక్కు ప్లేయర్ ఆఫ్ ది మ్యాచ్ అవార్డు లభించగా, అభిషేక్ యాదవ్ స్ట్రైకర్ ఆఫ్ ది మ్యాచ్గా ఎంపికయ్యాడు. టోర్నమెంట్లో మొత్తం రూ.21 లక్షల ప్రైజ్మనీని ప్రకటించారు. విజేత మైన్పట్ టైటాన్స్కు రూ.11 లక్షలు, రన్నరప్ సంస్కార్ధాని స్ట్రైకర్స్కు రూ.6 లక్షలు అందజేశారు.

ఇతర అవార్డుల వివరాలు: షారుఖ్ అలీ ప్లేయర్ ఆఫ్ ది టోర్నమెంట్, ఆశిష్ తాని పుర్తి 13 గోల్స్తో టాప్ స్కోరర్, హిమాంశు బెస్ట్ గోల్కీపర్, మోహిత్ నాయక్ బెస్ట్ ఛత్తీస్గఢ్ ప్లేయర్, సందీప్ కుమార్ ఎమర్జింగ్ ప్లేయర్ (అండర్-21).

ఛత్తీస్గఢ్ క్రీడలు, యువజన సంక్షేమ శాఖ నిర్వహించిన ఈ లీగ్లో మొత్తం ఆరు ఫ్రాంచైజీ జట్లు పాల్గొన్నాయి. 12 రోజుల పాటు జరిగిన ఈ టోర్నీలో 108 మంది స్థానిక క్రీడాకారులు భారత హాకీలోని ప్రముఖ ఆటగాళ్లతో కలిసి ఆడే అవకాశం పొందారు. రాష్ట్రంలో హాకీని ప్రోత్సహించడం, యువ ప్రతిభకు పోటీ అనుభవం కల్పించడం ఈ లీగ్ ప్రధాన లక్ష్యాలుగా ఉన్నాయి.

ఛత్తీస్గఢ్ హాకీ లీగ్ () తొలి సీజన్లో మైన్పట్ టైటాన్స్ జట్టు విజేతగా నిలిచింది. ఆదివారం రాయ్పూర్లో జరిగిన ఫైనల్లో సంస్కార్ధాని స్ట్రైకర్స్ను 4-2 గోల్స్ తేడాతో ఓడించి ట్రోఫీని కైవసం చేసుకుంది. ఈ లీగ్లో మొత్తం రూ.21 లక్షల ప్రైజ్మనీని ప్రకటించారు.