జైపూర్, 13 September
జైపూర్ మండలంలోని జిల్లా పరిషత్ హై స్కూల్ లో అల్లు అర్జున్ ఫ్యాన్స్ అసోసియేషన్ ఆదిలాబాద్ జిల్లా జనరల్ సెక్రెటరీ పడాల సాయిచరణ్ ఆధ్వర్యంలో హెచ్పీవీ వ్యాక్సిన్ పై అవగాహన సదస్సు నిర్వహించారు. ఈ వ్యాక్సిన్ ద్వారా భవిష్యత్తులో సర్వైకల్ క్యాన్సర్ (గర్భాశయ ముఖద్వార క్యాన్సర్) నివారించవచ్చని తెలిపారు. ప్రాథమిక ఆరోగ్య కేంద్రంలో దీనిని ఉచితంగా అందిస్తున్నట్లు వెల్లడించారు.
జైపూర్ మండలంలోని జిల్లా పరిషత్ హై స్కూల్ లో అల్లు అర్జున్ ఫ్యాన్స్ అసోసియేషన్ ఉమ్మడి ఆదిలాబాద్ జిల్లా జనరల్ సెక్రెటరీ పడాల సాయిచరణ్ ఆధ్వర్యంలో హెచ్పీవీ వ్యాక్సిన్పై అవగాహన సదస్సు నిర్వహించారు. ఈ సందర్భంగా సాయిచరణ్, సబ్ సెంటర్ ఏఎన్ఎం మల్లీశ్వరి, ఆశా వర్కర్ అన్నపూర్ణ మాట్లాడుతూ, హెచ్పీవీ వ్యాక్సిన్ తీసుకోవడం ద్వారా భవిష్యత్తులో సర్వైకల్ క్యాన్సర్ (గర్భాశయ ముఖద్వార క్యాన్సర్) రాకుండా నివారించవచ్చని తెలిపారు. బయట కార్పొరేట్ ఆసుపత్రుల్లో ఈ వ్యాక్సిన్ ధర ఐదు నుంచి పదివేల రూపాయల వరకు ఉంటుందని, అయితే మండలంలోని ప్రాథమిక ఆరోగ్య కేంద్రంలో దీనిని ఉచితంగా అందిస్తున్నారని తెలిపారు. కావున, అర్హులైన బాలికలు ఈ అవకాశాన్ని సద్వినియోగం చేసుకోవాలని సూచించారు. ఈ కార్యక్రమంలో స్కూల్ హెడ్మాస్టర్, మహిళా ఉపాధ్యాయులు, అల్లు అర్జున్ ఫ్యాన్స్ అసోసియేషన్ సభ్యులు సంజు ముదిరాజ్, జాడి శివకృష్ణ, బొద్దుల వంశీ, వివేకానంద పాల్గొన్నారు.
