తల్లిదండ్రులను కోల్పోయి అనాథలైన చిన్నారులు: సహాయం కోసం ఎదురుచూపులు

కుటుంబ పెద్ద దుర్గయ్య 10 సంవత్సరాల క్రితం అనారోగ్యంతో మృతి చెందారు. ఆయన భార్య మల్లమ్మ కూలీ పనులు చేసుకుంటూ పిల్లలను పోషించింది. గత సంవత్సరం ప్రమాదవశాత్తు కిందపడటంతో మల్లమ్మ తీవ్ర అనారోగ్యానికి గురై, వైద్యం చేయించుకునే స్తోమత లేక మంచానికే పరిమితమైంది. చివరకు, సోమవారం ఆమె కూడా మరణించింది. దీంతో, వారి ఇద్దరు కుమారులు అనాథలయ్యారు.

చిన్న వయసులోనే జీవిత భారాన్ని మోయాల్సి వచ్చిన సంతోష్, ప్రశాంత్ తమ భవిష్యత్తుపై ఆందోళన వ్యక్తం చేస్తున్నారు. చదువుకోవాల్సిన వయసులో, కనీస అవసరాల కోసం పోరాడాల్సిన పరిస్థితి ఏర్పడింది. తల్లిదండ్రుల మరణంతో వారి జీవితాల్లో విషాదం నెలకొనగా, ప్రస్తుతం తాత్కాలిక ఆశ్రయాల్లో తలదాచుకుంటున్నారు. ఆహారం, దుస్తులు, విద్య వంటి ప్రాథమిక అవసరాలు కూడా అందడం లేదని స్థానికులు తెలిపారు.

ఈ చిన్నారుల దయనీయ పరిస్థితిని గమనించిన గ్రామస్తులు, దాతలు మరియు స్వచ్ఛంద సంస్థలు ముందుకు వచ్చి వారికి సహాయం చేయాలని కోరుతున్నారు. ప్రభుత్వం కూడా స్పందించి వారికి నివాస సౌకర్యం, విద్యా సహాయం అందించి భరోసా కల్పించాలని విజ్ఞప్తి చేస్తున్నారు. మానవత్వం ఉన్న ప్రతి ఒక్కరూ స్పందించి ఈ చిన్నారుల జీవితాల్లో వెలుగులు నింపాలని స్థానికులు ఆశాభావం వ్యక్తం చేస్తున్నారు. వీరికి సహాయం చేయాలనుకునే వారు 9160799813 నంబర్‌కు ఫోన్ ద్వారా సహాయం అందించగలరు.