సంగారెడ్డి, 2026-08-25
ఈద్ మిలాద్ ఉన్ నబీ పర్వదినాన్ని పురస్కరించుకొని నిర్వహించే ర్యాలీలను శాంతియుత వాతావరణంలో నిర్వహించాలని జిల్లా ఎస్పీ పరితోష్ పంకజ్ ముస్లిం మత పెద్దలు, ఆర్గనైజింగ్ కమిటీ సభ్యులకు సూచించారు. సంగారెడ్డిలో జరిగిన పీస్ మీటింగ్లో ఆయన మాట్లాడుతూ, మత సామరస్యం నెలకొల్పడంలో ప్రజలందరి భాగస్వామ్యం కీలకమని అన్నారు.
ఈద్ మిలాద్ ఉన్ నబీ పర్వదినాన్ని పురస్కరించుకొని నిర్వహించే ర్యాలీలను శాంతియుత వాతావరణంలో నిర్వహించాలని జిల్లా ఎస్పీ పరితోష్ పంకజ్ ముస్లిం మత పెద్దలు, ఆర్గనైజింగ్ కమిటీ సభ్యులకు సూచించారు. సంగారెడ్డిలో జరిగిన పీస్ మీటింగ్లో ఆయన మాట్లాడుతూ, ఒకరి మత సంప్రదాయాలను మరొకరు గౌరవించుకున్నప్పుడే మత సామరస్యం నెలకొంటుందని పేర్కొన్నారు. ఎలాంటి అవాంఛనీయ సంఘటనలు చోటు చేసుకోకుండా జిల్లా వ్యాప్తంగా వివిధ పోలీస్ స్టేషన్ల పరిధిలో పీస్ కమిటీ సమావేశాలు నిర్వహించామని, ర్యాలీల సందర్భంగా తగిన బందోబస్తు ఏర్పాట్లు చేస్తున్నట్లు తెలిపారు.
వాట్సాప్ గ్రూపుల్లో సర్క్యులేట్ అయ్యే ఫేక్, ఫార్వర్డ్ మెసేజ్లను నమ్మవద్దని ఎస్పీ సూచించారు. తమకు వచ్చిన మెసేజ్లో వాస్తవం ఎంత ఉందో నిర్ధారించుకున్న తర్వాతే ఇతరులకు ఫార్వర్డ్ చేయాలని కోరారు. ఏదైనా ఫార్వర్డ్ మెసేజ్పై అనుమానం ఉంటే సంబంధిత స్థానిక పోలీస్ స్టేషన్లో ఫిర్యాదు చేయాలని తెలిపారు. ఫార్వర్డ్ మెసేజ్ల ద్వారా అనవసర గొడవలు, అల్లర్లకు కారణమయ్యే విధంగా వ్యవహరించే వారిపై చట్టపరమైన చర్యలు తీసుకోవడం జరుగుతుందని ఎస్పీ హెచ్చరించారు.
ఈద్ మిలాద్ ఉన్ నబీ ర్యాలీలను శాంతియుత వాతావరణంలో నిర్వహించేలా అవసరమైన చర్యలు తీసుకోవాలని ముస్లిం మత పెద్దలు, ఆర్గనైజింగ్ కమిటీ సభ్యులకు ఎస్పీ సూచించారు. ఈ సందర్భంగా ఆయన మాట్లాడుతూ, మత సామరస్యం నెలకొల్పడంలో ప్రజలందరి భాగస్వామ్యం కీలకమని అన్నారు. అవాంఛనీయ సంఘటనలకు తావులేకుండా పటిష్టమైన బందోబస్తు ఏర్పాట్లు చేస్తున్నట్లు ఆయన భరోసా ఇచ్చారు.
