2026 ఆసియా క్రీడల్లో పురుషుల కాంపౌండ్ ఆర్చరీ టీమ్ విభాగంలో స్వర్ణ పతకం సాధించిన భారత క్రీడాకారులను వైఎస్సార్ కాంగ్రెస్ పార్టీ అధ్యక్షుడు, మాజీ ముఖ్యమంత్రి వైఎస్ జగన్ మోహన్ రెడ్డి అభినందించారు. చైనా జట్టుతో జరిగిన ఫైనల్లో భారత్ 238237 తేడాతో విజయం సాధించింది.
స్వర్ణ పతకం సాధించిన భారత క్రీడాకారులు కుశాల్ దలాల్, సాహిల్ జాదవ్, గణేశ్ మణి రత్నం తిరుమూరుకు జగన్ అభినందనలు తెలిపారు. ఆయన సామాజిక మాధ్యమం ఎక్స్ వేదికగా స్పందించారు.
ఉత్కంఠభరితంగా సాగిన ఫైనల్లో భారత జట్టు తరఫున సాహిల్ జాదవ్, కుశాల్ దలాల్, గణేశ్ మణి రత్నం అద్భుత ప్రదర్శన కనబరిచారు. ఈ విజయంతో కాంపౌండ్ ఆర్చరీలో భారత్కు మరో స్వర్ణం దక్కింది.
ఆంధ్రప్రదేశ్కు చెందిన గణేశ్ మణి రత్నం ఈ విజయంలో భాగస్వామి కావడం రాష్ట్రానికి గర్వకారణమని జగన్ పేర్కొన్నారు. గణేశ్ సాధించిన విజయం రాష్ట్రంలోని యువ క్రీడాకారులకు స్ఫూర్తినిచ్చి, వారు క్రీడల్లో ఉన్నత శిఖరాలను అధిరోహించేందుకు ప్రేరణగా నిలవాలని ఆకాంక్షించారు.
అంతర్జాతీయ వేదికలపై భారత క్రీడాకారులు సాధిస్తున్న విజయాలను అభినందిస్తూ, వారి కృషి, పట్టుదల దేశంలోని యువతకు స్ఫూర్తినిస్తాయని జగన్ పేర్కొన్నారు. భారత క్రీడా రంగంలో ప్రతిభావంతులైన క్రీడాకారులు మరిన్ని విజయాలు సాధించాలని ఆయన ఆకాంక్షించారు.
