నాలుగు రాష్ట్రాల్లో ఆకస్మిక వరదల ముప్పు.. 33 జిల్లాలకు ఐఎండీ హెచ్చరిక

బంగాళాఖాతంలో ఉన్న తీవ్ర అల్పపీడనం పశ్చిమ వాయవ్య దిశగా కదులుతూ, రాత్రి విశాఖపట్నంగోపాలపూర్ మధ్య ఉత్తర ఆంధ్రప్రదేశ్దక్షిణ ఒడిశా తీరాన్ని దాటే అవకాశం ఉందని వాతావరణ శాఖ తెలిపింది. దీని ప్రభావంతో భారీ వర్షాలతో పాటు గంటకు 5060 కిలోమీటర్ల వేగంతో ఈదురుగాలులు వీచే అవకాశం ఉంది.

33 జిల్లాలకు ఆకస్మిక వరదల ముప్పు

తాజా హెచ్చరికల ప్రకారం, ఒడిశాలోని 9 జిల్లాలు (కోరాపుట్, మల్కాన్గిరి, రాయగడ, నవరంగ్పూర్, గజపతి, గంజాం, కలహండి, కంధమాల్, పూరీ), ఆంధ్రప్రదేశ్లోని 14 జిల్లాలు (శ్రీకాకుళం, విజయనగరం, విశాఖపట్నం, అనకాపల్లి, కాకినాడ, తూర్పుగోదావరి, పశ్చిమగోదావరి, ఏలూరు, ఎన్టీఆర్, కృష్ణా, గుంటూరు, బాపట్ల, పల్నాడు, ప్రకాశం) ప్రమాదంలో ఉన్నాయి. అలాగే, ఛత్తీస్గఢ్లోని 4 జిల్లాలు (బస్తర్, సుక్మా, దంతేవాడ, కొండగావ్), తెలంగాణలోని 6 జిల్లాలు (భద్రాద్రి కొత్తగూడెం, నల్గొండ, సూర్యాపేట, ఖమ్మం, మహబూబాబాద్, వరంగల్) కూడా వరదల ముప్పును ఎదుర్కోనున్నాయి.

తెలంగాణలో భారీ వర్షాల హెచ్చరిక

తెలంగాణలో 25వ తేదీ వరకు కొన్ని జిల్లాల్లో అతి భారీ వర్షాలు కురిసే అవకాశం ఉందని హైదరాబాద్ వాతావరణ కేంద్రం హెచ్చరించింది. కొమురం భీమ్ ఆసిఫాబాద్, మంచిర్యాల, కరీంనగర్, పెద్దపల్లి, జయశంకర్ భూపాలపల్లి, ములుగు, భద్రాద్రి కొత్తగూడెం, ఖమ్మం, మహబూబాబాద్, వరంగల్, హనుమకొండ జిల్లాలకు ప్రత్యేకంగా హెచ్చరికలు జారీ అయ్యాయి. హైదరాబాద్తో పాటు యాదాద్రి భువనగిరి, మేడ్చల్-మల్కాజిగిరి, రంగారెడ్డి, వికారాబాద్, సంగారెడ్డి, మెదక్, కామారెడ్డి ప్రాంతాల్లో కూడా భారీ వర్షాలు కురిసే అవకాశం ఉందని వాతావరణ శాఖ తెలిపింది.

లోతట్టు ప్రాంతాల ప్రజలు అప్రమత్తంగా ఉండాలి

తక్కువ సమయంలో అత్యధిక వర్షపాతం నమోదైతే వాగులు, వంకలు, నదులు, చెరువుల్లో నీటిమట్టం వేగంగా పెరిగే ప్రమాదం ఉందని అధికారులు హెచ్చరిస్తున్నారు. ఇప్పటికే నేలలో తేమ అధికంగా ఉండటంతో, కొత్తగా కురిసే వర్షపు నీరు భూమిలోకి ఇంకకుండా ఉపరితలంపై ప్రవహించి వరద పరిస్థితులకు దారితీసే అవకాశం ఉంది. లోతట్టు ప్రాంతాల ప్రజలు స్థానిక అధికారుల సూచనలను పాటించాలని, వరద నీటితో పొంగిపొర్లుతున్న వాగులు, కాలువలు, రహదారులను దాటేందుకు ప్రయత్నించవద్దని సూచించారు. అత్యవసర పరిస్థితుల్లో సురక్షిత ప్రాంతాలకు తరలించేందుకు అధికారులు సిద్ధంగా ఉండాలని సూచనలు జారీ చేశారు.

బంగాళాఖాతంలో ఏర్పడిన తీవ్ర అల్పపీడనం కారణంగా ఒడిశా, ఆంధ్రప్రదేశ్, ఛత్తీస్గఢ్, తెలంగాణ రాష్ట్రాల్లోని 33 జిల్లాల్లో ఆకస్మిక వరదల ముప్పు ఉందని భారత వాతావరణ శాఖ హెచ్చరించింది. ఈ రాష్ట్రాల్లో భారీ నుంచి అతిభారీ వర్షాలు కురిసే అవకాశం ఉంది. లోతట్టు ప్రాంతాల ప్రజలు అప్రమత్తంగా ఉండాలని అధికారులు సూచిస్తున్నారు.