గుడిపేట మెడికల్ కాలేజీ: బీఆర్ఎస్ ప్రభుత్వ కృషిని కొనియాడిన కేటీఆర్

గుడిపేట మెడికల్ కాలేజీ నిర్మాణానికి 60 కోట్ల రూపాయల నిధులు కేటాయించి, 11 ఎకరాల విస్తీర్ణంలో ఏర్పాట్లు పూర్తి చేసినట్లు బీఆర్ఎస్ వర్కింగ్ ప్రెసిడెంట్ కేటీఆర్ తెలిపారు. ఈ ప్రాజెక్టును తమ ప్రభుత్వమే చేపట్టిందని ఆయన స్పష్టం చేశారు.

కాంగ్రెస్ పార్టీ అబద్ధాల ప్రచారంతో ప్రజలను తప్పుదోవ పట్టిస్తోందని, తమ ప్రభుత్వం చేపట్టిన అభివృద్ధిని గుర్తించడంలో విఫలమవుతోందని కేటీఆర్ విమర్శించారు. జిల్లాకు మెడికల్ కాలేజీని తీసుకురావడంలో బీఆర్ఎస్ ప్రభుత్వానిదే కీలక పాత్ర అని ఆయన పేర్కొన్నారు.

జిల్లా కేంద్రాలలో మెరుగైన ప్రజా సౌకర్యాలు, కలెక్టరేట్లు, ఎమ్మెల్యే క్యాంప్ ఆఫీసుల ఏర్పాటు వంటి అభివృద్ధి పనులను తమ పార్టీనే చేపట్టిందని కేటీఆర్ తెలిపారు. మెడికల్ కాలేజీ పనులను వెంటనే పూర్తి చేయాలని ఆయన ప్రభుత్వాన్ని డిమాండ్ చేశారు.

ఈ కార్యక్రమంలో మాజీ ఎమ్మెల్యే నడిపెల్లి దివాకర్ రావు, రాష్ట్ర నాయకులు వి. జిత్ రావు, గోగుల రవీందర్ రెడ్డి, రూరల్ నాయకులు పాల్గొన్నారు.