సింగరేణి థర్మల్ పవర్ ప్లాంట్ అధికారికి NLCలో ఉన్నత పదోన్నతి

STPP ప్లాంట్ లోని ఎలక్ట్రికల్ విభాగంలో హెడ్ ఆఫ్ ది డిపార్ట్‌మెంట్ (HOD)గా ఎనిమిదేళ్లుగా విశిష్ట సేవలు అందించిన స్వరూప్, జాతీయ స్థాయి సంస్థ NLC ఇండియా లిమిటెడ్ (నేవేలీ లిగ్నైట్ కార్పొరేషన్) గుజరాత్ విభాగంలో అసిస్టెంట్ చీఫ్ మేనేజర్‌గా ఉన్నత పదవిని చేపట్టారు. ఈ మేరకు ఆయనకు STPP ప్లాంట్ ప్రాంగణంలో వీడ్కోలు సభ మరియు సన్మాన కార్యక్రమం నిర్వహించారు.

గత ఎనిమిది సంవత్సరాలుగా పవర్ మేక్ HODగా, ముఖ్యంగా ఎలక్ట్రికల్ విభాగంలో స్వరూప్ అందించిన సేవలను సహచరులు ప్రశంసించారు. ప్లాంట్ అభివృద్ధిలో, సాంకేతిక సమస్యల పరిష్కారంలో ఆయన కీలక పాత్ర పోషించారని పలువురు వక్తలు పేర్కొన్నారు. NLC భర్తీల్లో పరీక్ష రాసి అసిస్టెంట్ చీఫ్ మేనేజర్ వంటి బాధ్యతాయుతమైన పదవికి ఎంపిక కావడం గర్వకారణమని వారు అభిప్రాయపడ్డారు.

ఎలక్ట్రికల్ టీం సభ్యులు స్వరూప్‌ను శాలువా మరియు జ్ఞాపికలతో సత్కరించి, ఆయన భవిష్యత్తులో మరిన్ని ఉన్నత శిఖరాలను అధిరోహించాలని ఆకాంక్షించారు. ఈ వీడ్కోలు కార్యక్రమంలో ప్రసాద్, సాయి చరణ్, రాకేష్ జోషి, అవినాష్, సంపత్, నవీన్, ఎలక్ట్రికల్ విభాగానికి చెందిన సిబ్బంది, ఇతర టీమ్ సభ్యులు పాల్గొన్నారు.

తమకు ఉద్యోగరీత్యా సహకరించిన ప్రతి ఒక్కరికీ ఈ సందర్భంగా స్వరూప్ కృతజ్ఞతలు తెలియజేశారు. ఆయన కొత్త బాధ్యతల్లో విజయవంతం కావాలని సహచరులు ఆకాంక్షించారు.