మందమర్రి లైన్స్ క్లబ్ వ్యవస్థాపకులు సుదర్శన్ రావుకు ఘన సన్మానం

మందమర్రి లైన్స్ క్లబ్ ద్వారా పేద ప్రజలకు అందించిన సేవలు, క్లబ్ అభివృద్ధికి చేసిన కృషి, నూతన సభ్యుల చేరికలో ఆయన పాత్రను గుర్తించి ఈ గౌరవం అందించారు. గత 15 సంవత్సరాలుగా సుదర్శన్ రావు లైన్స్ క్లబ్ లో వందలాది సేవా కార్యక్రమాలను విజయవంతంగా నిర్వహించారు.

కరీంనగర్లో జరిగిన ఆత్మీయ సమ్మేళనంలో, డిస్ట్రిక్ట్ గవర్నర్ మరియు పాస్ట్ డిస్ట్రిక్ట్ గవర్నర్ సుదర్శన్ రావు, క్లబ్ కు అందించిన సేవలను ప్రశంసించారు. ఆయన నిబద్ధత, సేవా దృక్పథం అందరికీ ఆదర్శప్రాయమని పేర్కొన్నారు.

ఈ కార్యక్రమంలో మందమర్రి లైన్స్ క్లబ్ ప్రెసిడెంట్ పూసాల వెంకటరత్నం, సోతుకు రత్నజానకి, పూసల సుజాతతో పాటు పలువురు సభ్యులు పాల్గొన్నారు. ఈ సన్మానం క్లబ్ సభ్యులలో నూతనోత్తేజాన్ని నింపింది.

భవిష్యత్తులో కూడా ఇలాంటి సేవా కార్యక్రమాలను కొనసాగించాలని, మరిన్ని ఉన్నత శిఖరాలను అధిరోహించాలని సుదర్శన్ రావును అభినందించారు.