సింగరేణి థర్మల్ పవర్ ప్లాంట్‌ను సందర్శించిన సి&ఎండి డా. బుద్ధ ప్రకాశ్ జ్యోతి

సింగరేణి థర్మల్ పవర్ ప్లాంట్‌కు చేరుకున్న సి&ఎండి డా. బుద్ధ ప్రకాశ్ జ్యోతి, IAS కు ఎస్టిపిపి ఈడి సిహెచ్. చిరంజీవి స్వాగతం పలికారు. ప్లాంట్ ఆవరణలో ఆయన ఒక మొక్కను నాటారు.

నిర్మాణంలో ఉన్న కొత్త 1x800 మెగావాట్ల ప్లాంట్ పనులను సి&ఎండి స్వయంగా పరిశీలించారు. ఈ పనుల్లో భాగస్వాములైన బీహెచ్ఈఎల్, కెపిసి, పవర్మెక్ కంపెనీల అధికారులతో ఆయన చర్చించారు. ప్రాజెక్ట్ కోఆర్డినేటర్ ఎం.వి. వేణుగోపాల్ పనుల పురోగతిని ప్లానింగ్ మ్యాప్ ద్వారా వివరించారు.

మూడో యూనిట్ లో కొత్తగా నిర్మించిన సేఫ్టీ కంట్రోల్ రూమ్ ను సి&ఎండి ప్రారంభించారు. మెయిన్ కంట్రోల్ రూమ్ లో ప్రస్తుతం నడుస్తున్న రెండు యూనిట్ల విద్యుత్ ఉత్పత్తి వివరాలను ఇంజనీర్లు వారికి తెలియజేశారు. పర్యావరణ పరిరక్షణ కోసం నిర్మిస్తున్న ఎఫ్జిడి ప్లాంట్ పనులను కూడా ఆయన పరిశీలించారు.

ఆఫీసులో జరిగిన సమీక్షా సమావేశంలో సి&ఎండి మాట్లాడుతూ, 800 మెగావాట్ల ప్లాంట్ పనుల పురోగతి పట్ల సంతృప్తి వ్యక్తం చేశారు. పనులను త్వరగా పూర్తి చేయాలని అధికారులను కోరారు. ఈ పర్యటనలో సింగరేణి డైరెక్టర్లు మరియు ఇతర ఉన్నతాధికారులు పాల్గొన్నారు.