కొత్తపల్లి ప్రాథమిక పాఠశాల విద్యార్థులకు పరీక్షా ప్యాడ్ల పంపిణీ

గ్రామ BPM సాయి రోహిత్ మరియు ABPM మనోహర్ సంయుక్తంగా ఈ పరీక్షా ప్యాడ్లను విద్యార్థులకు అందజేశారు. విద్యార్థులు పరీక్షలకు మెరుగ్గా సన్నద్ధం కావడానికి ఈ ప్యాడ్లు ఉపయోగపడతాయని తెలిపారు.

ఈ సందర్భంగా ఉప సర్పంచ్ దుర్గం జనార్ధన్ మాట్లాడుతూ, విద్యార్థుల విద్యాభివృద్ధికి గ్రామ పంచాయతీ కట్టుబడి ఉందని, ఇలాంటి కార్యక్రమాలకు తమ మద్దతు ఎల్లప్పుడూ ఉంటుందని తెలిపారు.

పాఠశాల ప్రధానోపాధ్యాయులు N. శ్రీనివాస్ సార్, టీచర్ హీనా ఖానం ఈ పంపిణీ కార్యక్రమంలో పాల్గొన్నారు. విద్యార్థులు పరీక్షలలో ఉత్తమ ప్రతిభ కనబరచాలని వారు ఆకాంక్షించారు.

ఈ కార్యక్రమం విద్యార్థులలో కొత్త ఉత్సాహాన్ని నింపిందని, పరీక్షల పట్ల వారికున్న ఆందోళనను తగ్గించిందని ఉపాధ్యాయులు తెలిపారు. ఇది విద్యార్థుల భవిష్యత్తుకు ఒక సానుకూల అడుగు అని పేర్కొన్నారు.