సారంగాపూర్ మండలం జామ్ గ్రామంలో నూతన ప్రైవేట్ పాఠశాల 'వేద మోడల్ ఇంగ్లీష్ మీడియం స్కూల్' బుధవారం ప్రారంభమైంది. సరస్వతి దేవి ఆశీస్సులతో యజ్ఞం నిర్వహించి, పాఠశాల ప్రారంభోత్సవాన్ని ఘనంగా జరిపారు.
జామ్ గ్రామంలో నూతనంగా ఏర్పాటు చేసిన ఈ పాఠశాల, ఈ విద్యా సంవత్సరం నుండి విద్యార్థులకు విద్యాబోధన అందించనుంది. పాఠశాల యాజమాన్యం ఆధ్వర్యంలో జరిగిన ప్రారంభోత్సవ కార్యక్రమానికి గ్రామ సర్పంచ్ కరిపే విలాస్, దేవేందర్, కరస్పాండెంట్ హైమద్, డి. రమేష్, గణేష్, భోజన్న, ఉపాధ్యాయులు, గ్రామస్తులు హాజరయ్యారు.
ఈ పాఠశాల ప్రారంభంతో స్థానిక విద్యార్థులకు నాణ్యమైన విద్యను అందించే లక్ష్యంతో యాజమాన్యం ముందుకు వస్తున్నట్లు తెలిపారు. ఆధునిక విద్యా ప్రమాణాలకు అనుగుణంగా బోధన ఉంటుందని పేర్కొన్నారు.
తల్లిదండ్రులు తమ పిల్లలను ఈ పాఠశాలలో చేర్పించి, విద్యాభివృద్ధికి తోడ్పడాలని గ్రామస్తులు కోరారు. పాఠశాల ప్రారంభోత్సవం సందర్భంగా పలువురు శుభాకాంక్షలు తెలిపారు.
