గుడిహత్నూర్, 2026-11-21
గుడిహత్నూర్ మండలం డోంగర్గావ్ గ్రామానికి చెందిన బీఆర్ఎస్ నాయకులు అబ్దుల్ తాహెర్ ఖాన్ (47) తీవ్ర అనారోగ్యంతో మృతి చెందారు. ఆయన మరణం పార్టీకి తీరని లోటని నాయకులు, గ్రామ ప్రజలు ఆవేదన వ్యక్తం చేశారు.
గుడిహత్నూర్ మండలం డోంగర్గావ్ గ్రామానికి చెందిన బీఆర్ఎస్ నాయకులు అబ్దుల్ తాహెర్ ఖాన్ (47) తీవ్ర అనారోగ్యంతో మృతి చెందారు. పార్టీలో ఉంటూ పార్టీ బలోపేతానికి, ప్రజలకు ఎంతో సేవ చేశారని, ఆయన మరణం బీఆర్ఎస్ పార్టీకి తీరని లోటని పార్టీ నాయకులు ఆవేదన వ్యక్తం చేశారు. ఆయన సతీమణి డోంగర్గావ్ గ్రామ పంచాయతీలో ఉపసర్పంచ్గా ఉన్నప్పుడు, ఆమెతో కలిసి తమకు ఎన్నో విధాలుగా సహాయ సహకారాలు అందించారని గ్రామ ప్రజలు కన్నీరు మున్నీరయ్యారు. తాహెర్ ఖాన్ మరణంతో తమకు అండగా నిలిచిన వ్యక్తిని కోల్పోయామని గ్రామస్తులు వాపోయారు. కాగా, తాహెర్ ఖాన్కు ఇద్దరు చిన్న కుమారులు ఉన్నారు. ఆయన సొంత తమ్ముడు సైతం డోంగర్గావ్ గ్రామ పంచాయతీలో ప్రస్తుతం సర్పంచ్గా విధులు నిర్వహిస్తున్నారు.







