రాజంపేటలో టీడీపీ రెడ్ బుక్ రాక్షసకాండ - ప్రజాస్వామ్యాన్ని సమాధి చేశారు

అన్నమయ్య

జిల్లా రాజంపేటలో నామినేషన్ల ప్రక్రియ హింసాత్మకంగా మారింది. టీడీపీ నాయకులు, కార్యకర్తలు వైఎస్ఆర్ కాంగ్రెస్ పార్టీ అభ్యర్థులపై దాడి చేయడంతో పాటు, ఎమ్మెల్యే కార్యాలయంపై పెట్రోల్ బాంబులతో దాడి చేశారు. ఈ ఘటనలతో రాజంపేటలో ప్రజాస్వామ్యం అపహాస్యం పాలైందని విమర్శలు వెల్లువెత్తుతున్నాయి.

రాజంపేట చరిత్రలో ఇది నల్లటి రోజు. ఇది ఎన్నిక కాదు, ఇది ఎమర్జెన్సీ వంటి పరిస్థితి. రాజంపేటలో ప్రజాస్వామ్యం అనే మాటకు అర్థం లేకుండా టీడీపీ నాయకులు చేశారు. రాజంపేటను రక్తసిక్తం చేసేందుకు పక్కా స్కెచ్ వేశారు.

ప్రజల్లోకి వెళ్లి ఓట్లు అడిగే దమ్ము లేని టీడీపీ ఇన్చార్జ్, తన పెంపుడు గూండాలను, రౌడీషీటర్లను, మద్యం మత్తులో ఉన్న వందమందిని మున్సిపల్ ఆఫీస్కు పంపించాడు. వైఎస్ఆర్ కాంగ్రెస్ పార్టీ అభ్యర్థులు ధైర్యంగా నామినేషన్ వేస్తుంటే, కాగితాలు లాక్కుని చింపేసి, రాళ్లు, బీరు బాటిళ్లతో, కోడిగుడ్లతో దాడి చేశారు. మహిళా నాయకురాళ్లు అని కూడా చూడకుండా అసభ్య పదజాలంతో దూషించారు. నామినేషన్ వేస్తే చంపేస్తామని బెదిరించారు. ఇది చూస్తుంటే రాజంపేటలో ఎన్నికలు జరుగుతున్నాయా లేక రౌడీ రాజ్యం నడుస్తోందా అనే అనుమానం కలుగుతోంది.

ఎమ్మెల్యే కార్యాలయంపై కిరాతక దాడి

ఒకవైపు మున్సిపల్ ఆఫీస్లో దాడి జరుగుతుండగానే, మరోవైపు టీడీపీకి చెందిన మరో గుంపు నేరుగా ప్రజల ఎమ్మెల్యే ఆకేపాటి అమర్నాథ్ రెడ్డి గారి కార్యాలయంపైకి దండెత్తింది. కార్యాలయం తలుపులు పగలగొట్టి లోపలికి చొరబడి, ఫర్నిచర్ను తగలబెట్టారు. ఎమ్మెల్యే గారి కారును ఇనుప రాడ్లతో కొట్టి, అద్దాలను పూర్తిగా ధ్వంసం చేశారు. ఆఫీస్లో ఉన్న జగనన్న, వైఎస్ఆర్ ఫోటోలను కింద పడేసి అవమానించారు. అడ్డుకున్న నలుగురు వైసీపీ కార్యకర్తలకు తీవ్ర గాయాలయ్యాయి, వారి తలల నుండి రక్తం కారుతోంది.

పోలీసుల తీరుపై ప్రజల్లో మండిపాటు

ఈ మొత్తం దాడి జరుగుతున్నప్పుడు అక్కడే ఉన్న , , లు ఏమీ తెలియనట్లు సెల్ ఫోన్లు చూసుకుంటూ కూర్చున్నారని ప్రత్యక్ష సాక్షులు చెబుతున్నారు. టీడీపీ నేతలు పోలీసులకు సైగ చేయడం, పోలీసులు తల ఊపడం కెమెరాల్లో రికార్డ్ అయింది. ఇది పోలీస్ వ్యవస్థ కాదు, టీడీపీకి ఊడిగం చేసే వ్యవస్థగా మారింది.

రానున్న స్థానిక సంస్థల ఎన్నికల్లో ఓటమి భయంతోనే టీడీపీ ఈ దిగజారుడు రాజకీయాలకు పాల్పడుతోందని రాజంపేట ప్రజలు చర్చించుకుంటున్నారు. నామినేషన్ వేయనివ్వకుండా అడ్డుకోవడం అంటే, ఎన్నికలకు ముందే ఓడిపోయామని ఒప్పుకున్నట్లే. రాజంపేట నియోజకవర్గంలో వైఎస్ఆర్సీపీ జెండా ఎగురుతుందని తెలిసే ఈ కుట్రలు చేస్తున్నారు. కానీ రాజంపేట ప్రజలు అన్నీ గమనిస్తున్నారు. ఈ దాడులకు ఎన్నికల్లోనే బుద్ధి చెబుతారు.

అన్నమయ్య జిల్లా రాజంపేటలో నామినేషన్ల ప్రక్రియ హింసాత్మకంగా మారింది. టీడీపీ నాయకులు వైఎస్ఆర్ కాంగ్రెస్ పార్టీ అభ్యర్థులపై దాడి చేయడంతో పాటు, ఎమ్మెల్యే కార్యాలయంపై పెట్రోల్ బాంబులతో దాడి చేశారు. ఈ ఘటనలతో రాజంపేటలో ప్రజాస్వామ్యం అపహాస్యం పాలైందని విమర్శలు వెల్లువెత్తుతున్నాయి.