అక్షరవేకువ: చెన్నై ఓపెన్ క్వాలిఫయర్స్లో భారత క్రీడాకారిణులకు నిరాశ

చెన్నైలోని ఎస్డీఏటీ టెన్నిస్ స్టేడియంలో జరిగిన తొలి రౌండ్ క్వాలిఫయింగ్ మ్యాచ్ల్లో శ్రీవల్లి భామిడిపాటి స్లోవేకియా క్రీడాకారిణి విక్టోరియా మోర్వాయోవా చేతిలో 2-6, 3-6తో ఓడిపోయింది. మరో భారత క్రీడాకారిణి జీల్ దేశాయ్, జపాన్ క్రీడాకారిణి మెయి యమగుచీ చేతిలో 1-6, 0-6తో పరాజయం పాలైంది.

వైల్డ్కార్డ్ ద్వారా అర్హత పోటీల్లో పాల్గొన్న దియా రమేశ్, జపాన్కు చెందిన రెండో సీడ్ క్రీడాకారిణి క్యోకా ఒకమురా చేతిలో 4-6, 2-6తో ఓడింది. 14 ఏళ్ల జెన్సీ కనబార్ పోలాండ్ క్రీడాకారిణి వెరోనికా ఫాల్కోవ్స్కాపై ఒక సెట్ గెలిచి పోరాడినా.. చివరకు 2-6, 7-5, 3-6తో ఓటమి చవిచూసింది. దీంతో అర్హత పోటీల్లో పాల్గొన్న నలుగురు భారతీయులూ ప్రధాన డ్రాకు చేరుకోలేకపోయారు.

ప్రధాన డ్రాలో ముగ్గురు భారతీయులు

క్వాలిఫయింగ్లో భారత క్రీడాకారిణులు నిరాశపరిచినా.. వైష్ణవి అడ్కర్, సహజ యమలపల్లి, మాయా రాజేశ్వరన్ రేవతి వైల్డ్కార్డ్ ద్వారా మహిళల సింగిల్స్ ప్రధాన డ్రాలో చోటు దక్కించుకున్నారు. నుంచి 8 వరకు ఈ టోర్నీ జరగనుంది.

ఈ ఏడాది చెన్నై ఓపెన్ చివరి ఎడిషన్ కావడం విశేషం. వచ్చే ఏడాది నుంచి డబ్ల్యూటీఏ 250 టోర్నీ హోదా మనీలాకు మారనుంది.