జైపూర్ లో శివాజీ విగ్రహ ఏర్పాటు: కేంద్ర మంత్రికి వినతి

జైపూర్, జూలై 14

జైపూర్ మండల కేంద్రంలో ఛత్రపతి శివాజీ మహారాజ్ విగ్రహ ప్రతిష్టాపనకు స్థలాన్ని కేటాయించాలని కోరుతూ ఛత్రపతి శివాజీ సేన వ్యవస్థాపకులు, సభ్యులు కేంద్ర బొగ్గు గనుల శాఖ మంత్రి గంగాపురం కిషన్ రెడ్డికి వినతి పత్రం అందజేశారు. ఈ విగ్రహ ఏర్పాటు స్థానిక యువత, ప్రజల సుదీర్ఘ నిరీక్షణ అని వారు పేర్కొన్నారు.

జైపూర్ మండల కేంద్రంలో ఛత్రపతి శివాజీ మహారాజ్ విగ్రహ ప్రతిష్టాపనకు స్థలాన్ని కేటాయించాలని కోరుతూ ఛత్రపతి శివాజీ సేన వ్యవస్థాపకులు, సభ్యులు కేంద్ర బొగ్గు గనుల శాఖ మంత్రి గంగాపురం కిషన్ రెడ్డికి వినతి పత్రం అందజేశారు.

ఈ సందర్భంగా శివాజీ సేన నాయకులు మాట్లాడుతూ.. జైపూర్ మండల కేంద్రంలోని సింగరేణి థర్మల్ పవర్ ప్లాంట్ (ఎస్టీపిపి) ఎదురుగా వీరయోధుడు ఛత్రపతి శివాజీ మహారాజ్ విగ్రహాన్ని ఏర్పాటు చేయాలనేది స్థానిక యువత, ప్రజల సుదీర్ఘ నిరీక్షణ అని పేర్కొన్నారు. ఆ ప్రాంతంలో విగ్రహ ఏర్పాటుకు తగిన స్థలాన్ని కేటాయించేలా సింగరేణి సంస్థ యాజమాన్యానికి కేంద్ర మంత్రిత్వ శాఖ ద్వారా ఆదేశాలు ఇవ్వాలని వారు మంత్రిని అభ్యర్థించారు.

శివాజీ మహారాజ్ ఆదర్శాలు, ఆయన దేశభక్తి నేటి సమాజానికి ఎంతో స్ఫూర్తిదాయకమని, అందుకే ఈ విగ్రహ ప్రతిష్టాపనను ప్రతిష్టాత్మకంగా తీసుకున్నట్లు వివరించారు.

వినతి పత్రం స్వీకరించిన కేంద్ర మంత్రి గంగాపురం కిషన్ రెడ్డి ఈ విషయంపై సానుకూలంగా స్పందించారు. సమస్యను పరిశీలించి, సింగరేణి యాజమాన్యంతో మాట్లాడి తగిన విధంగా న్యాయం జరిగేలా చూస్తానని హామీ ఇచ్చారు. ఈ కార్యక్రమంలో ఛత్రపతి శివాజీ సేన సభ్యులు, స్థానిక ముఖ్య నాయకులు పాల్గొన్నారు.