ప్రభుత్వం నిర్దేశించిన ఆరోగ్య కార్యక్రమాలను సమర్థవంతంగా అమలు చేస్తూ, ప్రజలకు నాణ్యమైన వైద్య, ఆరోగ్య సేవలను సకాలంలో అందించడమే లక్ష్యంగా వైద్యాధికారులు, సిబ్బంది సమన్వయంతో పని జిల్లా వైద్య, ఆరోగ్య శాఖ అధికారి డా.కె.లలితాదేవి సూచించారు. నిర్దేశిత లక్ష్యాలను గడువులోగా సాధించాలని, క్షేత్రస్థాయిలో అమలుపై నిరంతరం పర్యవేక్షణ చేపట్టాలని ఆమె పేర్కొన్నారు.
శనివారం సంగారెడ్డిలోని జిల్లా వైద్య, ఆరోగ్య శాఖ కార్యాలయంలో వివిధ ఆరోగ్య కార్యక్రమాల అమలు, పురోగతిపై నిర్వహించిన సమీక్షా సమావేశానికి డీఎంహెచ్ఓ అధ్యక్షత వహించి మాట్లాడారు. మాతా శిశు ఆరోగ్యం (ఎంసీహెచ్), అసంక్రమిత వ్యాధుల నియంత్రణ (ఎన్సీడీ), క్షయ వ్యాధి నియంత్రణ, వ్యాక్సిన్ ప్రివెంటబుల్ డిసీజెస్ (వీపీడీ), ఇమ్యునైజేషన్ కార్యక్రమాల అమలు తీరును సమీక్షించారు. నిర్దేశిత లక్ష్యాలను చేరుకునేందుకు వైద్యులు, క్షేత్రస్థాయి సిబ్బంది ప్రత్యేక దృష్టి సారించాలని సూచించారు. జిల్లాలోని ప్రాథమిక ఆరోగ్య కేంద్రాల (పీహెచ్సీ) భవనాల మరమ్మతులు, నిర్వహణ పనులను నాణ్యతా ప్రమాణాలతో నిర్దేశిత గడువులోగా పూర్తి సంబంధిత అధికారులను ఆదేశించారు. ఆసుపత్రులకు వచ్చే ప్రజలకు ఎలాంటి అసౌకర్యం కలగకుండా అవసరమైన మౌలిక సదుపాయాలను మెరుగు పరచాలని సూచించారు. మీ ప్రామాణ్ యాప్లో సిబ్బంది హాజరు నమోదుపై సమీక్షిస్తూ, ప్రతి ఉద్యోగి విధులకు క్రమం తప్పకుండా హాజరై, నిర్దేశిత విధానాల ప్రకారం యాప్లో హాజరు నమోదు స్పష్టం చేశారు. ఈ సమావేశంలో డా.నాగనిర్మల, డా.అరుణ, డా.శశాంక్ దేశ్ పాండే, డా.సౌజన్య, డా.సీతారాం, డా.నర్సింగ్ చౌహాన్, డా. మనోహర్ రెడ్డి, డా.రాజిని, డా.శశికర్ తదితర వైద్యాధికారులు, సంబంధిత అధికారులు పాల్గొన్నారు.
