జైపూర్ పోలీసులు ఇందారం క్రాస్ రోడ్డు వద్ద 145 గ్రాముల గంజాయి, ఒక మొబైల్ ఫోన్తో పాటు షేక్ ఆఫ్రీద్ (23) అనే యువకుడిని అరెస్ట్ చేశారు. కూలీ చేసుకునే నిందితుడు, సులభంగా డబ్బు సంపాదించడం కోసం మహారాష్ట్ర నుంచి గంజాయిని కొనుగోలు చేసి ఇక్కడ విక్రయిస్తున్నట్లు పోలీసుల విచారణలో వెల్లడైంది.
జైపూర్ పోలీసులు శనివారం మధ్యాహ్నం ఇందారం క్రాస్ రోడ్డు వద్ద వాహన తనిఖీలు నిర్వహిస్తుండగా, అనుమానాస్పదంగా కనిపించిన ఒక వ్యక్తిని అదుపులోకి తీసుకున్నారు. విచారణలో అతను జైపూర్ ఎస్.టి కాలనీకి చెందిన షేక్ ఆఫ్రీద్ (23)గా గుర్తించారు.
ఆఫ్రీద్ కూలీ పనులు చేసుకుంటూ జీవనం సాగిస్తున్నాడని, అయితే, సులభంగా డబ్బు సంపాదించాలనే ఉద్దేశ్యంతో మహారాష్ట్రలోని చంద్రపూర్ ప్రాంతం నుంచి తక్కువ ధరకు గంజాయిని కొనుగోలు చేసి, ఇక్కడ అధిక ధరకు విక్రయిస్తున్నట్లు పోలీసుల విచారణలో ఒప్పుకున్నాడు.
నిందితుడి వద్ద ఉన్న బ్యాగ్ను తనిఖీ చేయగా, 145 గ్రాముల ఎండు గంజాయి లభించింది. దీని విలువ సుమారు రూ.3,500 ఉంటుందని అంచనా వేశారు. గంజాయి విక్రయాలకు ఉపయోగిస్తున్న రియల్మీ 6 ప్రో మొబైల్ ఫోన్ను కూడా పోలీసులు స్వాధీనం చేసుకున్నారు.
నిందితుడిపై కేసు నమోదు చేసి, తదుపరి చట్టపరమైన చర్యలు తీసుకుంటున్నట్లు జైపూర్ ఏసీపీ వెంకటేశ్వర్లు తెలిపారు. నిందితుడిని పట్టుకోవడంలో కీలక పాత్ర పోషించిన ఎస్సై, సిబ్బందిని ఏసీపీ అభినందించారు.
