సంగారెడ్డి, 2026-08-06
మహిళా మరియు శిశు సంక్షేమ శాఖ, జిల్లా మహిళా సాధికారత కేంద్రం ఆధ్వర్యంలో బేటీ బచావో బేటీ పడావో () కార్యక్రమం గురువారం కొండాపూర్లోని కస్తూర్బా గాంధీ బాలికల విద్యాలయం (కేజీబీవీ)లో విద్యార్థినుల కోసం నిర్వహించారు. ఈ కార్యక్రమంలో రుతుక్రమ పరిశుభ్రత, వ్యక్తిగత పరిశుభ్రత, పోషకాహారం మరియు ఆరోగ్య పరిరక్షణపై ప్రత్యేక అవగాహన కల్పించారు.
మహిళా మరియు శిశు సంక్షేమ శాఖ, జిల్లా మహిళా సాధికారత కేంద్రం ఆధ్వర్యంలో బేటీ బచావో బేటీ పడావో కార్యక్రమం గురువారం కొండాపూర్లోని కస్తూర్బా గాంధీ బాలికల విద్యాలయం (కేజీబీవీ)లో విద్యార్థినుల కోసం నిర్వహించారు. ఈ కార్యక్రమంలో రుతుక్రమ పరిశుభ్రత, వ్యక్తిగత పరిశుభ్రత, పోషకాహారం మరియు ఆరోగ్య పరిరక్షణపై ప్రత్యేక అవగాహన కల్పించారు.
ఈ సందర్భంగా జిల్లా సంక్షేమ అధికారి కె.లలిత కుమారి, జిల్లా వైద్య మరియు ఆరోగ్య అధికారి డా.లలితాదేవిలు మాట్లాడుతూ, బాలికలు శారీరకంగా, మానసికంగా ఆరోగ్యంగా ఎదగాలంటే రుతుక్రమ సమయంలో వ్యక్తిగత పరిశుభ్రతను తప్పనిసరిగా పాటించాలని సూచించారు. బేటీ బచావో బేటీ పడావో కార్యక్రమం ద్వారా బాలికల విద్య, ఆరోగ్యం, భద్రత మరియు సాధికారతకు ప్రభుత్వం అత్యంత ప్రాధాన్యత ఇస్తోందని వివరించారు. అనంతరం విద్యార్థినులకు శానిటరీ ప్యాడ్ బ్యాంకు కింద 3,000 శానిటరీ ప్యాడ్లను పంపిణీ చేశారు.
ఆకుకూరలు, పప్పుధాన్యాలు, పాలు, గుడ్లు, పండ్లు, చిరుధాన్యాలు వంటి పోషకాహార పదార్థాలను ఆహారంలో భాగంగా తీసుకోవడం ద్వారా ఆరోగ్యంగా ఉండటమే కాకుండా విద్యాభ్యాసంలోనూ మెరుగైన ఫలితాలు సాధించవచ్చని తెలిపారు. విద్యార్థినుల సమగ్ర అభివృద్ధికి ప్రభుత్వం కట్టుబడి ఉందని, అందుకు అవసరమైన అన్ని చర్యలు తీసుకుంటుందని అధికారులు పేర్కొన్నారు.
ఈ కార్యక్రమంలో జిల్లా సమన్వయకర్త పల్లవి, సీడీపీఓ చంద్రకళ, ఎస్ వో కవిత, ఎంపీడీఓ, ఎంఈఓ, సర్పంచ్, పోలీసు శాఖ అధికారులు, పంచాయతీ కార్యదర్శి, వైద్య మరియు ఆరోగ్య శాఖ అధికారులు, ఆరోగ్య సిబ్బంది, ఆశా కార్యకర్తలు, అంగన్వాడీ టీచర్లు, షీ టీమ్ సభ్యులు, విద్యార్థినులు మరియు సంబంధిత శాఖల అధికారులు పాల్గొన్నారు.
