షెట్పల్లి ప్రభుత్వ పాఠశాల పునఃప్రారంభం: నాణ్యమైన విద్యను సద్వినియోగం చేసుకోవాలని సర్పంచ్ పిలుపు

పునఃప్రారంభోత్సవ కార్యక్రమంలో సర్పంచ్ మంత్రి గోపీకృష్ణ విద్యార్థులకు పాఠ్యపుస్తకాలు, నోట్‌బుక్స్ పంపిణీ చేశారు. కాంగ్రెస్ ప్రభుత్వం ప్రభుత్వ విద్యను బలోపేతం చేయడానికి, ప్రతి విద్యార్థికి నాణ్యమైన విద్యను అందించడానికి కృషి చేస్తోందని ఆయన ఈ సందర్భంగా తెలిపారు.

ప్రభుత్వ పాఠశాలల్లో ఉచితంగా అందించే పాఠ్యపుస్తకాలు, నోట్‌బుక్స్, యూనిఫారాలు, మధ్యాహ్న భోజనం, మెరుగైన మౌలిక సదుపాయాల వంటి సౌకర్యాల గురించి ఆయన వివరించారు. ఈ అవకాశాలను సద్వినియోగం చేసుకోవాలని ఆయన తల్లిదండ్రులను కోరారు.

ఈ కార్యక్రమంలో పాఠశాల ప్రధానోపాధ్యాయులు వారణాసి సురేందర్, ఉపాధ్యాయులు ఎస్. రవికుమార్, వార్డ్ సభ్యులు జంగిలి రాకేష్, నాయకులు అయిత తిరుపతి రెడ్డి, చల్లా రమేష్ రెడ్డి తదితరులు విద్యార్థులకు శుభాకాంక్షలు తెలిపారు.