Mancherial/Jaipur (అక్షరవేకువ) జూలై 05
తెలంగాణ సాయుధ పోరాట తొలి అమరవీరుడు దొడ్డి కొమురయ్య 80వ వర్ధంతి వేడుకలను భీమారం మండల కేంద్రంలో తెలంగాణ రాష్ట్ర గొర్రెల మేకల పెంపకం వృత్తిదారుల సంఘం ఆధ్వర్యంలో ఘనంగా నిర్వహించారు. ఈ సందర్భంగా కొమురయ్య ఆశయ సాధన కోసం గొల్ల కురుమలందరూ కృషి చేయాలని సంఘం రాష్ట్ర అధ్యక్షులు డాక్టర్ కొమ్ము అశోక్ యాదవ్ పిలుపునిచ్చారు.
తెలంగాణ సాయుధ పోరాట తొలి అమరవీరుడు దొడ్డి కొమురయ్య 80వ వర్ధంతి వేడుకలను భీమారం మండల కేంద్రంలో ఘనంగా నిర్వహించారు. తెలంగాణ రాష్ట్ర గొర్రెల మేకల పెంపకం వృత్తిదారుల సంఘం ఆధ్వర్యంలో ఈ కార్యక్రమం జరిగింది.
ఈ వేడుకల్లో పాల్గొన్న సంఘం రాష్ట్ర అధ్యక్షులు డాక్టర్ కొమ్ము అశోక్ యాదవ్ మాట్లాడుతూ, కరీంనగర్ జిల్లా కేంద్రంలోనూ సంఘం రాష్ట్ర ఉపాధ్యక్షులు కటిక రెడ్డి బుచ్చన్న యాదవ్ ఆధ్వర్యంలో ఈ వర్ధంతి వేడుకలను నిర్వహించినట్లు తెలిపారు. తెలంగాణ ఉద్యమం కోసం వీరమరణం పొందిన మహనీయుడు దొడ్డి కొమురయ్య ఆశయ సాధన కోసం గొల్ల కురుమలు అందరూ కృషి చేయాలని ఆయన పిలుపునిచ్చారు. రాష్ట్రవ్యాప్తంగా ప్రతి ఒక్కరూ కొమురయ్య జయంతి, వర్ధంతి వేడుకల్లో భాగస్వాములు కావాలని కోరారు.
ఈ కార్యక్రమంలో మంచిర్యాల జిల్లా అధ్యక్షులు చిల్లారపు సంతోష్ యాదవ్, నియోజకవర్గ ప్రధాన కార్యదర్శి మండే మల్లేష్ యాదవ్, మండల అధ్యక్షులు వేల్పుల పర్వతాలు యాదవ్, ఎల్ఐసి ఏజీఎం రేషవేణి శ్రీనివాస్ యాదవ్, మండల ప్రధాన కార్యదర్శి కేశవేణి సత్యనారాయణ యాదవ్, ఉపాధ్యక్షులు ధరవేణి తిరుపతి యాదవ్, నాయకులు కొమ్ము కుమార్ యాదవ్, కత్తర్ల సాగర్ యాదవ్, శివా యాదవ్ తదితరులు పాల్గొన్నారు.
