బీమారం మండల రేషన్ డీలర్ కీ.శే. సంతోషి కుమారి అకాల మరణం పట్ల రేషన్ డీలర్ల సంక్షేమ సంఘం సంతాపం తెలిపింది. సంఘం తరపున ఆమె కుటుంబానికి రూ. 10,000/- ఆర్థిక సహాయం అందించారు.
రేషన్ డీలర్ల సంక్షేమ సంఘం అధ్యక్షులు శ్రీ మోటపాలుకుల సత్తయ్య, ప్రధాన కార్యదర్శి బొమ్మ సత్యనారాయణ రెడ్డి ఆధ్వర్యంలో జిల్లా, మండల డీలర్లు కీ.శే. సంతోషి కుమారి గారి కుటుంబాన్ని పరామర్శించి, ప్రగాఢ సానుభూతి తెలియజేశారు.
ఈ సందర్భంగా, సంఘం తరపున రూ. 10,000/- ఆర్థిక సహాయాన్ని కుటుంబ సభ్యులకు అందజేశారు. డీలర్ల సంక్షేమ సంఘం ఎల్లప్పుడూ సభ్యులకు అండగా ఉంటుందని, అవసరమైతే మరింత సహాయం అందిస్తుందని అధ్యక్షులు సత్తయ్య తెలిపారు.
ఈ పరామర్శ కార్యక్రమంలో జిల్లా వర్కింగ్ ప్రెసిడెంట్ సుదమాల కృష్ణ, మంచిర్యాల, నస్పూర్, బీమారం, చెన్నూరు, జైపూర్ మండలాల డీలర్లు పాల్గొన్నారు. సంతోషి కుమారి గారి మరణం సంఘానికి తీరని లోటని వారు పేర్కొన్నారు.
