డోంగర్గావ్ లో స్మార్ట్ రేషన్ కార్డుల పంపిణీ: కొందరికే అందాయని లబ్ధిదారుల ఆందోళన

డోంగర్గావ్ (అక్షరవేకువ) ఆగస్టు 22

గుడిహత్నూర్ మండలంలోని డోంగర్గావ్ గ్రామంలో స్మార్ట్ రేషన్ కార్డుల పంపిణీ కార్యక్రమం జరిగింది. గ్రామ సర్పంచ్ అబ్దుల్ రెహమాన్, జీపీవో వెంకన్న కార్డులను పంపిణీ చేశారు. అయితే, అందరికీ కార్డులు అందలేదని, కొందరికే పరిమితమయ్యాయని లబ్ధిదారులు పేర్కొన్నారు.

గుడిహత్నూర్ మండలంలోని డోంగర్గావ్ గ్రామంలో రేషన్ కార్డు లబ్ధిదారులకు స్మార్ట్ రేషన్ కార్డులను గ్రామ సర్పంచ్ అబ్దుల్ రెహమాన్, జీపీవో వెంకన్న పంపిణీ చేశారు. అయితే, అందరికీ స్మార్ట్ రేషన్ కార్డులు రాలేదని, వచ్చిన వారికే పంపిణీ చేశామని, రానివారికి వచ్చిన తర్వాత పంపిణీ చేస్తామని తెలిపారు.

కార్డుల లభ్యతపై స్పష్టత

కొందరి కార్డులు వేరే గ్రామ పంచాయతీలలో ఉండవచ్చని, వాటిని తనిఖీ చేసి తీసుకువచ్చి అందరికీ పంపిణీ చేస్తామని సర్పంచ్ అబ్దుల్ రెహమాన్ హామీ ఇచ్చారు. ఈ కార్యక్రమంలో ఉపసర్పంచ్ కొత్తూరీ రవి, వార్డ్ మెంబర్ నాసిర్, లబ్ధిదారులు, ప్రజలు పాల్గొన్నారు.