భీమారం, 2026-06-05
గంజాయి, ఇతర మత్తు పదార్థాల వినియోగాన్ని అరికట్టేందుకు భీమారం మండలంలో పోలీసులు ప్రత్యేక చర్యలు చేపట్టారు. ఈ క్రమంలో గంజాయికి అలవాటు పడిన 10 మంది యువకులను గుర్తించి, వారికి నిర్ధారణ పరీక్షలు నిర్వహించారు. పరీక్షల్లో పాజిటివ్గా తేలడంతో వారిని పునరావాస కేంద్రానికి తరలించారు.
గంజాయి వినియోగానికి బానిసైన 10 మంది యువకులకు పరీక్షలు – పునరావాస కేంద్రానికి తరలింపు
భీమారం: గంజాయి మరియు ఇతర మత్తు పదార్థాల వినియోగాన్ని అరికట్టడంలో భాగంగా భీమారం మండలంలో పోలీసులు ప్రత్యేక చర్యలు చేపట్టారు.
ఈ కార్యక్రమంలో భాగంగా గంజాయి వినియోగానికి అలవాటు పడిన 10 మంది యువకులను గుర్తించి, వారికి గంజాయి వినియోగ నిర్ధారణ పరీక్షలు నిర్వహించారు. పరీక్షల్లో గంజాయి వినియోగించినట్లు నిర్ధారణ కావడంతో, వారి భవిష్యత్తును దృష్టిలో ఉంచుకొని సంబంధిత పునరావాస (Rehabilitation) కేంద్రానికి తరలించి చికిత్స మరియు కౌన్సెలింగ్ అందించే విధంగా చర్యలు చేపట్టారు.
యువత మత్తు పదార్థాలకు బానిసై తమ భవిష్యత్తును నాశనం చేసుకోకుండా తల్లిదండ్రులు, ఉపాధ్యాయులు మరియు ప్రజలు అప్రమత్తంగా ఉండాలని పోలీసులు సూచించారు. మత్తు పదార్థాల వినియోగం, అక్రమ రవాణా లేదా విక్రయాలపై సమాచారం తెలిసిన వారు వెంటనే పోలీసులకు తెలియజేయాలని, సమాచారం ఇచ్చిన వారి వివరాలను గోప్యంగా ఉంచుతామని తెలిపారు.
ఈ కార్యక్రమంలో జైపూర్ ACP A. వెంకటేశ్వర్ , జైపూర్ CI నవీన్ కుమార్ మరియు భీమారం SI A. రాజేందర్ పాల్గొన్నారు.
“మత్తు పదార్థాలకు దూరంగా ఉండండి – ఆరోగ్యకరమైన సమాజ నిర్మాణంలో భాగస్వాములు కండి” అని పోలీసులు పిలుపునిచ్చారు.
